Nagkasinabot ang City of Mati LGU ug Davao Oriental State University alang sa training sa mga daycare teachers nga gi-empleyo sa lokal nga panggamhanan. Nahitabo ang pinirmahay tali LGU ug DOrSU buntag sa Enero 15, 2024. Ang maong kasabutan may kalabutan sa access, monitoring ug pag-implementar og mga programa para sa prayoridad sa Day Care Teachers na dako ang tabang para sa pagpalambo sa primary years sa usa ka bata.Sa kasamtangan adunay 71 ka mga Daycare Volunteers o Teachers ang CSWDO nga mobalik og training sa DOrSU para sa dugang kahibalo. Subay sab sa kasabutan, tanan volunteers mamahimo nang makakuha ug diploma ug certificate human sa mga programa ug training na iimplementar subay sa maong MOA. “Bringing education is the only way we can combat the ill of society. But we can not start them in high school, we need to start them young,” pahayag ni City Mayor Michelle Nakpil Rabat atol sa MOA signing. Gisaysay sa mayora ang importansya sa pagtudlo sa mga bata sa sayo na pangedaron para sa mas tama na pagdako sa mga kabatan-unan na andam mo tabang sa komunidad.Gipadayag sab ni DOrSU President Roy Ponce ang ilang kalipay na makig-alayon sa City of Mati LGU para sa kalambuan og ikamaayo sa mga bata. Ang MOA modagan og 5 ka tuig na kontrata tali sa duha ka partido. Gidahum ang mas taas na daycare teacher rates ug pag-implementar og mga training para sa mga daycare teacher volunteers na importante para katabangan ang maayong pagdevelop sa primary years sa mga bata.