Human sa usa ka tuig na konstruksyon, nahuman na ang phase 1 sa Mati City E-Library na nahimutang sa Quezon Street gawas sa City Hall compound.Gisugdan ang konstruksyon sa Mati E-Library niadtong tuig 2022 diin ang Phase 1 gipondohan og 15 million pesos gikan sa 4th tranche sa Omnibus Loan Term sa City of Mati LGU ngadto sa Landbank of the Philippines (LBP).Ginahulat na lamang sa lokal na panggamhanan na maapruban sa LBP ang 5th tranche sa loan aron mapadayon na ang Phase 2 sa konstruksyon sa e-library Nga pagapondohan og dugang 10 million pesos aron hingpit na kining magamit sa katawhan sa Mati.Ang e-library usa ka 2-storey building diin ang 1st floor dunay information counter, computer laboratory room 1, exhibit area, activity area, exhibit and seminars area ug duha ka comfort rooms.Samtang ang 2nd floor gilangkuban sa conference room, computer laboratory room 2, librarian area ug reading area.Ang Mati City E-Library libreng magamit sa tanang Matinians nga buot magresearch, magprint og mga dokumento o di kaha magtuon.